Venzuelami socialistit ajugaallualaavissimapput
Venezuelami socialistit partiiat, præsident Hugo Chavez-imik siuttoqarlutik, qanittukkut inatsisartunut qinersinermi ajugaallualaavissut, qinersinermut oqartussat nalunaarutigaat.
Skrevet af Elisa Isaksen
Illuatungiliuttut, ukiut tallimat matuma siornagut qinersinermik mattussigaluartut, inatsisartuni inissat pingajorarterutaat maanna qinersinermi pissarsiaraat.
Tamatuma kinguneranik Chavezip inatsisartuni aalajangiussassatut kissaatimi piviusunngortinniarnissaat ajornakusoortinnerulissavaa.
Illuatungiliuttut oqaatigaat qinersisut 52 procentiinit qinerneqarlutik. Taamaattorli inatsisartuni amerlanerussuteqalinngillat.
Venezuelami socialistit ukiuni kingullerni inatsisartuni ilaasortat 80 procentiinit tapersersorneqaraluarput.