Ivianginik assiliilluni misissuisarnerit iluaqutaavallaanngillat
Iviangitigut kræfteqartut mammografi atorlugu misissorneqartartut, tassa assilineqartartut, taamaallaat 10 procentimik amerlanerit annaanneqartartut paasineqarpoq, taama , videnskab.dk allaaserisaqarpoq.
- Uagut paasisagut malillugit iviangitigut kræftertut assilillugillu misissukkavut 2 procentiinnai paasisarpagut, Norgemi Radiumhospitalimi nakorsaaneq, Mette Kalager oqarpoq.
Danmarkimi Rigshospitalimi aamma taamatorluinnaq paasisaqartoqarpoq.
- Tamanna eqqarsalersitsivoq, upernaaq manna paasiniaanitta takutippaa assiliilluni misissuinerit iluaqutaavallaanngitsut, misissuinerpullu taanna maanna Norgemiunit tapersineqarpoq, danskit paasiniaaneranni pisortaasoq, nakorsaaneq Karsten Juhl Jørgensen oqarpoq.
Iviangitigut kræfteqartut tarrarsortillutik misissorneqartarnerat maanna Kræftens Bekæmpelsemit eqqarsaatigeqqissaarneqalerpoq.
- Allaaserisaq atuarluassavarput, misissuinerillu allat inernerinut maanna misissuineq naapertorlugu naliliissaagut, tamartumalu takutikkumaarpaa isumaliortaatsitta allanngortinnissaanut, kræftertut nakorsaat, Iben Holten oqarpoq.