GHF nammineq dommerinngortitsalissaaq
Kalaallit Nunaanni assammik arsartartut Kattuffiat GHF dommerissanik nammineq ilinniartitsisalerpoq.
Skrevet af Najaaraq Egede
GHF-ip assammik arsarnermi dommerit nunatsinni kattuffiat "Siggarta" dommerissanik pikkorissartitsinermi pilersaarusioqatigisassavaa.
- Assammik arsarneq nunatsinni soqutigineqaqaaq, malunnartumillu ineriartupiloorpoq. Taamaammat pisariaqarpoq dommereqarnerup aamma malinnaatinnissaa, Poul Olsen, "Siggarta"-mi siulittaasoq oqarpoq.
Taassuma aamma oqaatigaa, nunatta assammik arsartartui nunanut allanut unammisartut angalaleraangata nunatsinni dommerit angalaqataasalissasut.
- Assammik arsartartut siunissami dommerinngornissamut soqutiginnilersinnissaat pingaaruteqarpoq, Poul Olsen oqarpoq.