Kisitseqqissaarneq pissangassutigaat
Sverigemi Rigsdagemi talerperliit amerlanerussuteqarsinnaanerat qinersinermi taasinerit taamaallaat 298-it aalajangissavaat.
Skrevet af Apollo Jeremiassen
22. september 2010 08:29
Ullumi kisitseqqissaartoqarnerata takutippaa, taasinerit taamaallaat 300-it missaanniittut aalajangiissuussasut.
Allakkatigut taasinerit aamma svenskit nunani allani najugaqartut taasineri ullumi kisinneqarput. Tassalu talerperliit amerlanerussuteqavissinnaaneri, kisitat kingulliit tamanna takutissavaat.
Talerperliit amerlanerussuteqavinnissaminnut inissanik pingasunik amigaateqarput.
Statsministeri Frederik Reinfeldt siuttoralugu, talerperliit suleqatigiit, Alliancen, amerlanerussuteqassagunik, nunasisunik assuarinnittut, Sverigedemokraterne, Rigsdagemi kikkut siuttuussanerannut aalajangiisuujunnaassapput.
