Qaleralittassat 5.000 tonsit qanittukkut nungummata aalisartut qaleralittasseqqinneqarnissartik Naalakkersuisunut kissaatigaat, tassalu 500 tonsinik immikkut maanna qaleralittassinneqarput.
Piniarnermut Aalisarnermullu Naalakkersuisup Ane Hansenip suleqatiginera Kalaallit Nunaanni Aalisartut Piniartullu Kattuffiannit isorineqarpoq, qaleralittassallu 2.000 tonsinik ilaneqarsinnaanersut aperineqarluni. Ane Hansenilli tamanna ingerlaannnaq itigartippaa. Maannali tassa qaleralittassat 500 tonsinik amerlineqarput.
Naalakkersuisulli piumasaraat, aalisartut logbog-iliornerminni peqqissaarnerulissasut, taamaalillutik biologit Naalakkersuisullu qaleraleqassutsimik malinnaalluarsinnaaniassammata.