EU-mut puisit amiinik eqqusseqqusaajunnaarneq ullumi atuutilerpoq

Inerteqquteqarnermi naggueqatigiit inuit ilanngunneqanngillat. Tamaalilluni naggueqatigiit inuit puisit amiinik Europami nunanut kisermaassillutik tuniniaasinnaalissapput. Tamannali Kalaallit Nunaanni, Canadami naggueqatigiillu inuit piumasaannut akerliulluinnartumik pissaaq.
20. august 2010 05:58

Upernaaq manna naggueqatigiit inuit suliniaqatigiiffiisa atulersitsinissap ullua, EU-mut eqqartuussisulersuussinerminni eqqartuussutip aalajangiivigineqarnissaata tungaanut atorunnaarsinniarlugu misilikkaluarpaat. KNAPK aamma ICC Greenland suliniaqatigiiffiit taakkua akornanniipput.

Naggueqatigiit inuit suliniaqatigiiffiisa qinnuteqaataat eqqartuussivimmi pisortamit itigartinneqarpoq. Tassami taamanikkut EU-p inerteqquteqarnissaq qanoq iliorluni piviusunngortissaneraa suli ilisimaneqanngimmat.

Avammut nioqquteqaqqusijunnaarneq unitsinniarlugu Canadap aamma Nunarsuarmi niuernikkut kattuffissuaq WTO oqaloqatiginiarlugu qinnuigaa.

Naalakkersuisut suliniutit marluusut arlaanniluunniit soriarsinnaanngillat, EU-lli avammut tuniseqqusiunnaarnera arlaleriarlutik isornartorsiortarlugu.

Tassami Danmarkip naggueqatigiit inuit ilanngunneqannginnissaat Kalaallit Nunaat sinnerlugu aalajangiiffigimmagu.

Taamaattumik eqqumiilliornerussaaq EU Danmarkip kissaateqarneranut tusarnaareersorlu Kalaallit Nunaat eqqartuussivilersuussinermi peqataassappat.

Læs også

Døgnrapport: Indbrud og flere forsøg på indbrud natten igennem