Israelimiut pissaaneq atornerlunngilaat
Ima nassuiaavoq:
- Sakkutuut immikkut suliassinneqartut eqqissisimanermik, sapiissusermik ileqqorissaarnermillu takutitsipput, Ashkenazi oqarpoq, Israelimiut misissuisuutitatut ataatsimiititaliaanni pisut qanoq innerat pillugu nammineq isummani ullumi anikkamiuk.
Iliuuseqarneq nunat tamalaat imartaanni pivoq sakkutuujunngitsullu umiarsuarmiittut qulingiluat inuunerannik naleqarluni. Umiarsuaq Palæstinamiunut Gazamiittunut ikiuutissanik useqarpoq.
Taamatut pisoqareersorlu Israel umiarsuit ingerlaaqatigiit unitsinniarneranni pissaanermik angisuumik naleqqutinngitsumillu atuisimanerarlugu isornartorsiorneqartorujussuuvoq.
Gabi Ashkenazilli oqarnera naapertorlugu Israelimiut sakkutuui pisumut tunngatillugu iliuuserisimasai "tulluarsagaallutillu eqqortuupput".
