Akileraartartut akiligaannik nerinertik namminneq akilertariaqarpaat
Atorfilittat arfineq-pingasut Nomami iggiserlutik nerinerat, inummut ataatsimut 2.200 kr.-inik akeqarpoq - malugiullu - taakkua regningiat akileraartartunut nassiuteqqinneqarmat, Koldingip kommunia akileeqqusaanngimmat.
Sivitsorianngitsorli regningi atorfilittat arfineq-pingasut allakkanut nakkartitsivianneereerpoq.
- Taakkua kommunip aningaasaatai atorlugit nerillutillu imersimapput maannalu aningaasat ilaat akilissallugit, Koldingip borgmesteria Jørn Pedersen nalunaarpoq.
Atorfilittat arfineq-pingasuutut katillugit 20.000 kr.-it missaannik akiliissapput. Ulloqeqqasiorluni nerinerup nalinga akuersaarneqarsinnaasoq nerinermi ataatsimi 1.000 kr.-eqarpoq, tamanna Farumip borgmestererisimasaata Peter Brixtoftep eqqartuunneqarneranut atasumik eqqartuussinermi aalajangersarneqarnikuuvoq.
Pisoq borgmesterip uggoraa. Taanna oqarpoq tamanna innuttaasunit isigineqarnermut ajoqusiissasoq.
- Isigineqarnerput ajortunngorpoq, Jørn Pedersen oqarpoq, taannalu aningaasaqarnermut ataatsimiititaliap ataatsimiinnerani utertillugit akiliinissaq pillugu aalajangernermut taperserneqarluni.
