Konservatiivit qinersisoqartuuppat kinguariassangaluarput

Folketingimut ullumikkut qinersisoqaraluarpat konservatiivit 5,5 procentiinnarnit qinerneqassagaluarput. Inunnik isumasiuisartut Voxmeter isumasiuisuupput, konservatiivillu ukioq manna aatsaat taama tapersersuikitsigipput.

Nutaarsiassaqartitsivik Ritzau taama allappoq.

Konservatiivit 5,5 procentinit taaguunneqassagaluarpata folketingimi qulinik ilaasortaatitaqalissagaluarput, partiilu 1975-imi januaarimi qinersisoqarmalli tapersuisui aatsaat taama ikitsigipput.

Partiip Venstrep tapersersortai aamma ikiliartorput, statsministerilu Lars Løkke Rasmussenip tapersersortai aamma ikiliartorlutik.

Isumasiorneqartut 37,3 procentiisa Lars Løkke Rasmussen tapersersorpaat, inunnik marsimi isumasiuisoqarmat 45,1 procentiusimagaluartut. Aviisi Jyllandsposten inunnik taamanikkut isumasiuivoq.

Ullumikkut qinersisoqartuugaluarpat partii Venstre 19,7 procentinit taaguunneqassagaluarpoq.

Partiit saamerliit katillugit 53,2 procentinit taaguunneqassagaluarput, talerperliillu 46,8 procentinit taaguunneqassagaluarlutik.