Atlantikup avannaani suleqatigiit suliniutissatik saqqummiuppaat

Kalaallit Savalimmiormiullu Danmarkimiinnerminni pisortanut saaffiginninnerminni pisinnaatitaafimminnik ilisimasaqarnerulernissaat Folketingimi Atlantikup avannaani suleqatigiit suliniutiginiarpaat.

Kalaallit Savalimmiormiullu pisinnaatitaaffii pillugit paasissutissat ersernerluttut, Juliane Henningsenip oqaatigaa.

Kalaallit Savalimmiormiullu nuukkaangaamik pisinnaatitaaffitik ilisimaneq ajorpaat, taamatullu pisortanut saaffiginninnermi pisinnaatitaaffiit sorliit atuunnersut ilisimaneq ajorpaat.

Pisinnaatitaaffiit kikkunnit tamanit takuneqarsinnaasunngornissaat DNAG-mit maanna sulissutigineqalerpoq.

Savalimmiormiut kalaallillu Danmarkimut nuukkaangamik, EU-mi nunanilu avannarlerni innuttaasunut sanilliullugit sunik pisinnaatitaaffeqarnersut DNAG-mit paaserusunneqarpoq.

Savalimmiormiut Kalaallillu arnaartaat ikiligaluttuinnarput, tassungalu suna pissutaanersoq ilanngullugu paasiniarneqassaaq. Taamatuttaaq kalaallit savalimmiormiullu ilinniarluarsimasut qanoq iliornikkut nunaminniiginnarnissaannut iliuusissat misissorneqassallutik. Aamma ilinniagaqassutsip qanoq iliorlini qaffatsinneqarnissaa paasiniarneqassaaq.

Nunarsuarmi aningaasarsiornikkut ajornartorsiorneq Kalaallit Nunaannut Savalimmiunullu qanoq sunniuteqarsimanersoq, Atlantikup avannaani suleqatigiit sulinerminni paasiniagassaasa ilagaat.

Folketingimi Atlantikup avannaani suleqatigiit tassaapput Juliane Henningsen Inuit Ataqatigiit, Høgni Hoydal Savalimmiuni partiimi Tjóðveldimi siulittaasoq.