Tusagassiortoq Marokkomi tigusaavoq

Danskeq tusagassiortoq, Mads Ellesøe, Marokkomi oqartussaasunit tigusaasimasoq Danmarkip Radioata nittartagaani allaaserineqarpoq.

Tamanna pivoq inoqajuitsup Killiup Marokkomit tigusarineqarnera

DR P1-imi ippassaani aallakaatinneqareersorlu, europamiullu Marokkup sineriaani tigusaaqqasumi aalisartarnerminnut 1 miiliardit koruuninik akiliisariaqartarnerat aallakaatitami aamma ilaalluni - aallakaatitaq taanna tusagassiortumit tigusaasumit aaqqissuunneqarpoq.

Pisimasuinnik aallakaatitassiortoq taanna arfininngormat unnuakkut tigusaavoq, angutit sakkutuujunngitsutut atisallit Mads Ellesøe inooqataalu arnaq Marakkechimi akunnittarfimmi inaanni itersarmatigik.

- Passitsinnik arsaarpaatigut, oqarasuaatitsinni angallattakkani SIM-kortivut peerpaat, pigisavullu tamaasa qinerlerfigalugit assallugit, Mads Ellesøe Danmarkip Radioanut oqaluttuarpoq.

Marokkomi isumannaallisaanissamut ulorianartorsiortitsisimasutut Mads Ellesøe pinngitsaalillugu atsiortinneqarpoq, qarasaasiaanni assiliiviinilu atortut assigiinngitsut, soorlu eqqaamasaatinut ikkuffiit, harddiskit eqqaamasaatillu piiarneqarlutik.

Nalunaaquttap akunneri tallimat/-arfinillit qaangiummata Marokkomiit timmisartumik aallartinneqarput.

Aappariit tigummineqarallarnerminni timimikkut ajoquserneqanngillat.

Pisimasuiit tunngavigalugit Radiokkut aallakaatitassiortarnermi saniatigut inuttut pisinnaatitaaffinnik illersuiniaqatigiiffiup, Amnesty Internationalip, ilaasortaasa Danmarkimi aviisianni Mads Ellesøe aamma allaaserisaqartarpoq.