Puisi A/S pillugu eqqartuussineq ullulerneqarpoq
Puisi A/S pillugu eqqartuussisunut suliakkiussaq tallimanngorpat novemberip ulluisa tallimaani kiisami aallartinneqartussanngorpoq.
Skrevet af Jaaku Lyberth
01. november 2010 15:43
Eqqartuussineq decembarip ulluisa 15-ata tungaanut ingerlanneqassaaq.
Puisit neqaannik pølsiliorfissatut pilersaarut piviusunngunngitsoortoq, ukiut qulit matuma siornatigut pilersinniarneqaraluartoq, Namminersorlutik Oqartussanut 50 millionit koruunit missaannik aningaasartuutaavoq.
Piginneqatigiiffik Puisi A/S iluamik aallartinneqaraniluunniit 2000-imi akiliisinnaajunnaarluni unippoq.
Suliffeqarfimmi pisortaasoq Hans Peder B. Christensen aamma Puisi A/S-imi siulersuisuni siulittaasoq Lars-Emil Johansen kiisalu SIK-p siulittaasua Jess G. Berthelsen unnerluutigineqartunut ilaapput.
