Sorlak nutaamik siulittaasoqalerpoq
Kaalinnguaq Siegstad Ilimmarfimmi ilinniartuuvoq, kulturilerinermik inuiaqatigiilerinermillu ilinniartuulluni.
Sorlammi ilaasortat sullitallu imminnut attaveqaqatigiillutik nukittorsaqatigiinnissaat suliassat pingaarnerit ilagigaat, Kaalinnguaq Siegstad oqarpoq:
- Ilaasortavut, tunngavigisavut, imminnut attaveqatigiillutik nukittorsaqatigiissinnaanissaat siulittaasutut uanga angorusuppara. Kisimiittutut misiginnginnissaq pingaaruteqartaqimmat, Kaalinnguaq Siegstad oqarpoq.
Sorlammi siulersuisut partiilersorpallaaratik siunissami sulinissaat taassuma oqaatigaa:
- Pingaarnertut ataqatigiissutigisarput tassaavoq ataqatigiilluta suleqatigiilluta qalipaasersortoqarani ingerlanissarput. Aamma avammut attaveqarniartarnerput pitsanngorsaaviginiarparput, kingumut qivialaaraanni oqaatigisariaqarparput tusagassiuutinut attaveqarniartarnerput sanngiiffigilaarsimavarput, taamaammat avammut ammanerunissarput sulissutiginiarparput, Sorlaap siulittaasortaava Kaalinnguaq Siegstad KNR-imut oqarpoq.