Tikaagulliusaaq utoqqarsuusimavoq
- Isai misissorlugit aallartiinnarlugit takusinnaavarput uumasoq utoqqallassuusoq, sunaaffami. Kisianni taama utoqqaatiginissaa ilimaginngisaannarsimavarput. Ilisimatoorsuaq Darwin inuugallarmat una tikaagulliusaaq nunarsuup imartaani angalalereersimavoq, Naalagaaffiup pinngortitaleriffiata katersugaasiviani aanaveersaasartoq, Abdi Hedayat, DR-ip nutaarsiassaqarfianut oqarpoq.
Tikaagulliusaaq Vejle-p kangerluanut pulammalli arfernik ilisimasaqarniat oqartuarsimapput 15-it 20-llu akornanni ukioqassangatillugu.
- Kialluunniit takorloorsinnaasimanngilaa utoqqarsuusoq, Abdi Hedayat oqarpoq.
Tikaagulliusaap utoqqarsuanngornini toqqutigisinnaasimagaa oqaatigineqarpoq, tassami saarngisa misissornerini malunnarsimavoq saarngi nungullarsimanermik gigteqartoq.
- Arfersuaq taanna utoqqarsuanngorsimavoq qasusimagunaqalunilu, Adbi Hedayat Naalagaaffiup pinngortitaleriffiata katersugaasivianit nassuiaavoq.