Issittup kiatsikkiartuinnarnera annertuvoq
Nunat issittut kiatsikkiartuinnarnerat ilisimatuunit kalerrisaarutigineqaqqippoq. Canadap avannaa 4 grader celciusimik pisarnermit kiannerulersimasoq misissuinerup nutaap takutippaa.
Skrevet af Apollo Jeremiassen
22. oktober 2010 07:43
Nunani issittuni silaannaap ataavartumik kiatsikkiartuinnarnera annertooq avatangiisinik attueqisoq, nalunaarusiami The Arctic Report Cardimi, ippassaq saqqummersinneqartumi allaaserineqarpoq.
Nunani issittuni silaannaap kiatsikkiartornera siorna appariarsimagaluartoq, Canadami ukioq manna qaammatini arfinilinni siullerni 4 grader celsiusimik pisarnermit qaffassinnerusimavoq.
U.S. National Oceanic and Atmospheric Administrationip nalunaarusiaa, ukiut tamaasa saqqummersinneqartartoq, ilisimatuunit 69-init nunanit arfineq- pingasuninngaanneersunit suliarineqartarpoq.
