Nipilersorluni unamminermi X-Factor-imi ajugaaniutivinneq unnugu aallartippat, 63-inik ukiulik Kjell Mikkelsen, siulliulluni erinarsortuussaaq. Kjell Mikkelsen, Mikkelimik taagorneqartoq, ukiorpassuarni Kalaallit Nunaanni najugaqarnikuusoq, kalaallimik nuliaqarpoq.
Kjell Mikkelsen X-factorimi unamminerup aallartisimalernerani ilaajunnaarsitaammat aliatsattut amerlapput. Unnugu erinarsuleruni atussavaa Unchained Melody, X-factor-imi anngunniunermi aamma taanna erinarsorpaa. Kjell Mikkelsen sapaatip akunneri marluk matuma siornatigut paasivaa, X-factor unnugu aallartippat erinarsussalluni, tamannalu tuppallersimaarutigalugu oqarpoq.
Annelouise ajugaasussatut Kjellip illersorpaa. Tassalu unnugu X-factorimi ajugaasussat tassaasinnaapput: Sarah, Babou imaluunnit Annelouise
