Aatsaat taama peqqitsigaat
Aataarpassuit Labradorip sineriaani sooq toqorarsimanersut suli paasineqanngilaq, Canadalli aalisarnermut ministereqarfiata oqaatigaa aataat tamaaniittut aatsaat taama peqqitsigisut.
Skrevet af Mads Lynge
12. marts 2011 16:10
Aataarsuit toqungasut 200-nit amerlanerusut Labradorimi siorna decembarimi ukioq mannalu januaarimi nassaarineqarput. Canadami oqartussat kingorna qisuariaateqarput, uumasut nakorsaannik biologinillu Labradoriliartitsillutik.
Aataarsuit silap kiatsikkiartornerata kingunerisaanik piaqqiaartalersimasut ilaatigut eqqoriarneqarpoq, amerlavallaarsimanissaat aamma eqqoriarneqarluni.
Aataarpassuilli peqqissuusut aamma paasineqarpoq.
Puiserpassuit toqungasut ukiut tamaasa siumorneqartarput, toqungasulli ukioq manna amerlanerat tupigusuutigineqarluni.
