Varna nipilersullammannit ingiorneqassaaq
Nuummi Sisimiunilu sapaatip akunnerata naanerani nipilersoriaatsimik blues-imik tusarnaartitsoqassaaq.
Ole Frimer nunatta avannaani nipilersortartunik peqateqarluni tusarnaartitsisareerpoq. Ole Frimer avannaaniinnermini nipilersortartut Disco Bay Blues aamma erinarsortartoq Varna ilinniartippai, tamatumalu kingorna taakkununnga attaveqarnini ingerlatiinnarlugu.
Bluesimik erinarsortartoq Varna, Nuummi najugaqartoq, 2006-mi CD-imik saqqummersitseqqaarpoq taaguuteqartumik " I Wish".
Saqqumersitami tassani Varnap nammineq erinniaminik aammalu bassertartup Jorsi Sørensenip taalliaanik immiussipput. Varna sapaatip akunnerata naanerani tusarnaartitsiguni, nipilersortorissavai Jorsi Sørensen Villads Sandgreen aamma Nino Fencker.
Varna nipilersortartunilu talllimanngorpat kulturikkut illorsuarmi Katuami tusarnaartitsissapput, aqaguani arfininngornermi Sisimiuni kulturikkut illorsuarmi Taseralimmi tusarnaartitsissallutik.
Ole Frimer Nuummiinnermini inuusuttunik nipilersornermik piginnaasaqartunik pikkorsartitsissaaq tamanna nipilersornermik atuarfik suleqatigalugu ingerlanneqassaaq, pikkorissartitsineq ullumi aallartissaaq, sisamanngornerup tungaanut pikkortitsisoqassalluni.