Naartuersittartut Sisimiuni ikilisarniarpaat

Sisimiuni naartuersittut Maniitsumi naartuersittunut sanilliullugit amerlanerujussuupput. Illuatungaanilu Maniitsumi naartuersittartut ukiut kingulliit ingerlanerani affaannanngortinneqarlutik.

Peqqissaasoq Karoline Olsen Maniitsumi naartuersittartut 2002-mit 2009-mut amerlassusaannik affaannanngortinneqarnerannut suliniuteqartut pingaarnerit ilagaat. Taanna maanna Sisimiuniippoq, naartuersittartut qanoq iliornikkut appartinneqarnerat oqaluttuariartorlugu.

Qanorliukua Maniitsumi naartuersittartut ikilisinneqarsimasut?

- Arnat naartunaversaatinik atuigaluarlutik, soorlu p-pillinik iisinngitsoortarsimaneri naartuersinnermik kinguneqarajuppoq, taamaammat naartunaversaat suna naleqqunnerunersoq pillugu siunnersuiniartarpugut, Karoline Olsen oqarpoq.

Sisimiuni naartuersinnerit 2008-mi 112-nik amerlassuseqarput ukiullu tulliani 108-nik amerlassuseqarlutik. Taamaasillutik meeqqat inunngortut naartuersittunut sanilliullugit ikinnerullutik. Tamanna iluarsiniarlugu peqqissaasoq naartunaversaatsitsinermut tunngasunik suliaqartussaq Maniitsumi atorfinitsinneqarpoq.

Maniitsumi naartuersittut 2009-mi 55-iupput 2009-milu 28-ullutik.

Naartuersinneq agguaqatigiissillugu 5.700 koruuninik akeqarpoq.