Soraarnerusiaqalernissamut siunnersuut taperserpaat
Soraarnerusiaqarneq pillugu isumaqatigiissutip atuutilersinnissaa maanna pilertornerusumik piviusunngortittariaqartoq Danmarkimi partiit qiterliuniat De Radikalet siulittaasuat, Margrethe Vestager isumaqarpoq.
Skrevet af Apollo Jeremiassen
Taamaalilluni naalakkersuisut suliniutaat taassuma taperserpaa.
- Taama angusaqarniarneq isumassatsialaasoq isumaqarpunga. Aammalu tamatuma pilersissavaa, utoqqaat sivisunermik sulerusuttut periarfissinnissaat, Margrethe Vestager oqarpoq.
Soraarnerusiaqalernissamut Naalakkersuisut siunnersuutaat, aviisip Politikenip pigisarilersimavaa, tassanilu allassimasut malillugit, suliunnaarnersiaqartarneq 2014 aallarnerfigalugu atorunnaarsikkiartuaarneqassasoq, 2019-milu soraarninngortarneq atorunnaarsinneqassalluni. Atugarissaarnissamut isumaqatigiissut 2006-mi atuutuilersinneqartoq aatsaat 2024-mi atorunnaartussaagaluarpoq.