Sara aamma Doris siuartuupput

Qinersivinnit kisitsisit takussorput. Maannamut ilimanarsinnaalluarpoq nunarput sinnerlugu qinigaasut tassaajumaartut arnat marluk.

Doris Jakobsen Siumumeersoq aamma Sara Olsvig Inuit Ataqatigiinneersoq taanneqarnersaapput. Tamanna illoqarfinni arlalinni kisitsisit takutippaat.

Sara Olsvig Tasiilami 142-nit taaneqarsimavoq Doris Jakobsen 199-nit taaguunneqartoq. Arnallu taakku marluk illoqarfinni allani aamma siuartuupput.

Assersuutigisinnaavarput Narsaq tassani Doris Jakobsen 214-nit taaguunneqarmat Sara Olsvig 197-nit taaguunneqarsimasoq.

Taamatut aamma ippoq Qasigiannguani tassani Sara Olsvig 247-nit taaguunneqarmat. Doris Jakobsen Qasigiannguani 133-nit taaguunneqarpoq.

Arnallu taakku marluk Qaanaami taaguunneqarluarput tassani Sara Olsvig 60-nit taaguunneqarmat Doris Jakobsen 77-nit taaguunneqartoq.

Uummannami aamma Doris Jakobsen taaguunneqarluarsimavoq tassani 176-nit taaguunneqarami Sara Olsvig 122-nit taaguunneqartoq.

Taasinerit kisinneqarnerat KNRip nittartagaani aamma tekst tv-mi malittarisinnaavat.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt