WWF Pikialasorsuaq pillugu immikkut sammisaqartitsilersoq
Pinngortitaq pillugu nunarsuaq tamakkerlugu suliniaqatigiiffiup WWF-ip Pikialasorsuaq uumasunut inunnullu pingaaruteqarluinnartuusoq pillugu Katuami unnugu nalunaaqutaq 19.30 aaqqissuussinermut akeqanngitsumut qaaqqusinerani tamanna sammineqassaaq.
Aamma Pikialasorsuup ullumikkut qanoq issusaa siunissamilu qanoq ikkumaarnera pillugu saqqumiisussat pingasuussapput.
Aamma atuaruk Naggueqatigiit Inuit Pikialasorsuaq namminneerlutik aqukkusukkaat
Mette Frost, pinngortitaq pillugu nunarsuaq tamakkerlugu suliniaqatigiiffimmit WWF-imeersoq ima oqarpoq.
- Pikialasorsuaq ima immikkuullaritsigaaq, qanittuani najugaqartuniinnaq aammali aalajangiisartunit eqqumaffigineqartariaqarluni. Silap pissusiata allanngoriartornera ilutigalugu umiarsuarnit angallavigineqarsinnaaneraluttuinnarlunilu aatsitassarsioqatigiiffinnut ammariartuinnarpoq, taamaammat pingaarpoq isumagissallugu Pikilalasorsuup siunissaq ungasinnerusoq eqqarsaatigalugu tamakkunannga sapinngisamik akornusersorneqannginnissaa qulakkiissallugu.
Aamma atuaruk Pikialasorsuaq pillugu ICC-p isumalioqatigiissitaliai aallartilluarput
