USA-p illersornissamut isumaqatigiissut isumaqatigiinniutigeqqikkumagaa
- Illersornissamut isumaqatigiissut nutarterneqartarnikuuvoq, kingullermik 2000-it aallartinneranni. Taamaaliornerit nanginneqartartussaapput, taamaammallu isumaqarpunga oqaloqatigiittariaqartugut. Maannalu isumaqaatigiiniaqqinnissamut piffissanngorsimappat, taava sapaatit akunnerini qaammatinilu tullerni taamaaliorsinnavugut, Rufus Gifford oqarpoq.
Aamma atuaruk Exelisip aalajangiiffigineqarnera Vittup periarfissanik nutaanik ammaassisinnaassanasoraa
Tassa Folketingimut qinersinerup unnukkuani taama oqarpoq. Qinersineq aallartitap malinaaffigeqqissaarlugu oqaluttuarpoq.
Amerikamiut Pituffimmi sakkutuuinut sullissinermik isumaqartigiissutip pinnaassutigineqarmat, USA-p aamma Danmarkip nunattalu akornanni illersornissamik isumaqatigiissutip isumaqatigiinniutigineqaqqinnissaa nunatsinni partiit arlallit piumasaraat. Taama piumasaqarput, ukiarmi kiffartuussisussarsiornermi, suliffeqarfik amerikamiunit pigineqartoq ajugaammat, isumaqatigiissutip oqaasertaanut naapertuutinngilluinnartumik.
Suliariumannittussarsiorneq atorunnaarsinneqarallaqqavoq.