Inuusuttut sakialluummik eqqugaasut amerlanerusut

Sakialluutip tuniluunnera ukiuni kingullerni annikinnerugaluarluni taamaattoq nungutinneqarnissaanut suli ungasittoq Dronning Ingridip Peqqissaavissuani nuna tamakkerlugu sakialluut pillugu peqqissaasumit nunarsuaq tamakkerlugu sakialluttunut sapaatip akunnerata siuliani ullorititami tusarparput.

AAMMA ATUARUK Tuberkulose er stadig tabu

Inuusuttut 15-24-it akornanni ukiullit kiisalu 55-it sinnerlugit ukiullit tunillatsisimasut amerlanerpaasut, Namminersorlutik Oqartussat TB pillugu nuna tamakkerlugu periusissiaanni nutaami takuneqarsinnaavoq. 

Ukioqqortusiartorneq malillugu TB-qalersartut amerliartortarnerat naatsorsuutigilluarneqarsinnaasoq tassani atuarneqarsinnaavoq.

Kisianni inuusuttorpassuarni tuniluuttunngorsimanera Nunatsinni Nakorsaaneqarfimmit ernummatigineqarpoq.

- Kisianni tunillanneqartut inuusuttuugaangata, peqqilluartut, taava qanittkkut tunillanneqarsimasuusut naluneq ajorparput. Tamatumalu oqaluttuuppaatigut TB inuiaqatigiinni nappaataaasoq tamannalu soorunami isumakulunnarpoq, Paaqqutarinninnermut tunngasuni Nunatsinni nakorsaaneqarfimmi siunnersorti Rikke Bruun De Neergaard taama oqarpoq.

AAMMA ATUARUK Alle kan blive ramt af tuberkulose

Inuusuttummi amerlaqisut tunillanneqarsimanerisa takutippaat innuttaasuni sakialluummik tunillaasuuttoqarnera.

- Tunillatsissimasunillu uaugut nammineq nasssaarisimanngisatsinnik takkkuttoqartuarpat, taava arlaannik suli tunillatsissimasoqassaaq uagut suli naammattuunngisatsinnik. Tamannalu isumakulunnarpoq. Taamaammallu tuberkulosep atugaasup nassaariniarnissaanut peqqisaarnerusariaqarpugut,. taamalilluta tunillatsissimasut ikilisinniassagatsigit, Rikke Bruun De Neergaard taama oqarpoq.

Sakialluutillit nuna tamakkerlugu siorna 61-iupput. 2010-milu 116-usut.