AWG2016 Unammiuaarnerit aallartiinnaqaat
Arctic Winter Gamesilu ammaanersiorneqarmat Air Greenlandip Mittarfeqarfiillu sulilluarnerisigut nunat peqataatitaqartussat katillugit qulingiluat peqataatitaqarput.
Unammissarpassuillu ullumi aallartissapput.
Sisorarnerilli kinguaattoornerpassuit pissutigalugit ullormik ataatsimik kinguartinneqarsimapput, taamaammat sisorartartut unamminerit sioqqullugit sungiusaqqaalaarnissaminnut periarfissaqassapput.
Timersuutini allarpassuarni pisoqalaavissussaaq, taakkununngalu pilersaarutit nittartakkami awg2016.gl-imi "SPORT SCEDULE for all sports"-ip ataani takuneqarsinnaapput.
Pisut, minnerunngitsumillu kikkut ujaminnannersut, KNR-ip nittartagaani aamma malinnaavigineqarsinnaapput.
Volleyballimik unamminerit KNR-TV-kkut ullaap tungaani nalunaaqutaq qulingiluanit aqqarnup tungaanut aallakaatinneqassapput, Futsalertullu nalunaaqutaq aqqanernit ualeru pingasut tungaanut isiginnaarneqarsinnaapput, taakkulu naammassippata sulorarnermik unamminerit nalunaaqutaq pingasunit arfineq-marlunut qiteqqunnissaata tungaanut aallakaatinneqassallutik.
Aamma Nunatta Alaskamut volleyballimik unamminera siulleq unnugu nalunaaqutaq qulingiluanut qiteqquppat isiginnaarneqarsinnaavoq.
KNR-Radiop AWG immikkut aamma sammissavaa - ullaap tungaani nalunaaqutaq 9.50-imit ullup qeqqata tungaanut, ualerulu nalunaaqutaq sisamanit tallimat tungaanut.