AWG2016 Ullormut pisussat
Issittormiut Nuummi unammiuaarneranni ullumi unnammiffissat ullumi pingajoraat, sisoraaserlutillu ooqattaasartartut unammiuaarnerat KNR-TV-kkut toqqaannartumik isiginnaarneqarsinnaassapput.
Allattoq Karsten Sommer
marsip 09-at 2016 08:13
Nutserisoq Mads Lynge
Aallakaatitsineq nalunaaqutaq qulinut aallartissaaq, snowboardertartullu ullaap tungaani unamminerannit assilisat kingusinnerusukkut isiginnaarneqarsinnaassallutik. Kalaallit Nunaat tassannga aqqaneq-marlunnik maannamut ujaminnareerpoq, kuultit pingasut, siilvit arfinillit bronzillu pingasut.
Kalaallit Nunaata maannamut ujaminnattaavi aamma tulluusimaarutigineqarsinnaapput, tassa maannamut ujammit 18-it pissariarineqareermata.
Nunat maannamut ujaminnattaavisa allattorsimaffiat qiviaraanni takuneqarsinnaavoq Kalaallit Nunaat normu 3-tut inissisimagallartoq, Alaskamiut maannamut pissarsinerpaasimallutik.
Alaska 44-nik, Yukonilu tullersortitut katillugit 28-nik ujaminnassimalluni.
