Assi: Camilla Dam/KNR

Naliliineq Uldumip akisussaaffik annertooq tigusinnaavaa

Naalakkersuisunut ilaasortanngortussat ualimut Kim Kielsenimit ilisaritinneqartussat kikkuusinnaaneri KNR-imit eqqoriarpagut.

Inatsisartunut qinersinermi kingullermi  Aleqa Hammondip Naalakkersuisunut siulittaasuunerani naalakkersuisunut ilaasortaatitaasa ilai qinigaanngitsoorput.

Naalakkersuisunut ilaasortanngortussat unnunnginnerani pisortatigoortumik saqqummiunneqartussat kikkuunissaat eqqoriarpagut.

Aamma atuaruk Kikkut Naalakkersuisunngussappat?

Jens-Erik Kirkegaard aamma Nick Nielsen Naalakkersuisunut ilaasortanngornissaat ilimananngillat.

Taakkua qinersisoqarmat taaguunneqarpallaanngillat, aamma Aleqa Hammondip naalakkersuisuutitaqarnerani naalakkersuisut tunuarnissaannut isumaqataapput taakkualu naalakkersuisunngortinneqarnissaat partiimi kissaatigineqarunanngilaq.

 

Isumaginninneq

Martha Lund Olsenip Naalakkersuisutut ingerlaannarnissaa ilimagineqarsinnaavoq, taassuma Naalakkersuisunut ilaasortaanermini akisussaaffigisani tassalu isumaginninnermut, inatsisinik atuutsitsinermut ilaqutariinnermullu naalakkersuisutut ingerlaannarnissaa ilimanarpoq, qinersisoqarmat aamma qinigaalluarpoq.

 

Aningaasaqarneq Aatsitassallu

Demokraatini siulittaasoq, Andreas Uldum, aningaasaqarnermut nunamullu namminermut naalakkersuisunngornissaa ilimagineqarsinnaavoq, aaqqissuusseqqinnissamut akisussaaffik oqartussaaffigilissallugu.

Tusatsiakkat aallaavigalugit aatsitassanut naalakkersuisoqarfik Demokraatit siulittaasuannit Andreas Uldumimit  oqartussaaffigineqalersinnaavoq.

 

Inuussutissarsiutit

Tusatsiakkat ilumoorpata, Inuussutissarsiornermut Naalakkersuisoqarfik Anders Olsenimit akisussaaffigineqalersinnaavoq, Anders Olsen inatsisartunut qinersinermi taaguulluarneqarpoq.

Attaveqarnermut peqqissutsimullu Naalakkersuisoqarfik Knud Kristiansenimit akisussaaffigineqalersinnaanera ilimanarsinnaavoq, naak Steen Lynge oqartussaaffimmi tassani misilittagaqarluaraluartoq, qinersinermi qinigaanngilaq.

 

Ineqarneq

Siverth K. Heilmann ineqarnermut Naalakkersuisoqarfimmi  ingerlaannarsinnaavoq, qinersinermi Atassummi taaguulluarneqarnerpaat tulliata Mala Høy Kukop akisussaaffik taanna tigunngikkuniuk.

Aamma atuaruk Suka K. Fredriksen: Kujalliup aningaasaqarnera aaqqittariaqarpoq

Aalisarneq

Nikolaj Jeremiassenip Aalisarnermut naalakkersuisunngornissaa ilimanaateqarluarpoq, KNR-imi tusarfiit ilaannit naalakkersuisunngorsinnaanersoq aperineqarsimammat.

Finn Karlsen, Siumut, Aalisarnermut Naalakkersuisunngorsinnaavoq naak qinersinermi  inatsisartunut qinigaanngitsoorpoq.

 

Karl Lyberth aalisarnermut naalakkersuisutut tunuarmalli aalisarnermut naalakkersuisut taarseraapput. Karl-Kristian Kruse amerlasuunit ilimagineqarpoq, kisianni taassuma aalisakkanik pisassiisarnermi killilersuerusunngittarnera Siumumi akerlerineqartarpoq.

 

Ilinniartitaaneq kulturilu

Demokraatini qinerneqarnerpaaq, Nivi Olsen, Ilinniartitaanermut, ilageeqarnermut, kultureqarnermut naaligiissitaanermullu Naalakkersuisunngorsinnaavoq.

 

Avatangiisit Pinngortitarlu

Avatangiisinut pinngortitamullu naalakkersuisoqarfik Siumumeersunit Jens Imanuelsenimit Kristian Jeremiassenimiillu  ilimagineqarsinnaalluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!