Tuberkulose suli ajornartorsiutaasoq

Tuberkulose Nunatsinni suli ajornartorsiutaavoq, siuariartortoqarporli. 2016-imi maannamut tuberkuloseqartut 40-t paasineqarsimapput. Qanorooq marlunngormat unnukkut tamanna pillugu ilanngutassiaqarpoq.

Allattoq Kenneth Elkjær, Pipaluk Høegh

oktobarip 05-at 2016 11:52

Issittumi peqqinnissaq pillugu ataatsimeersuarnermi NUNAMED-imi Nuummi ingerlanneqartumi tuberkulose sammineqarpoq. Sakialluutip, 2012-imit 2014-imut kalaallit 15-it toqqutigisimasaata akiorniarneqarneranut maanna iliuusissatut pilersaarutaasoq iliuusissatullu pilersaarutissaq oqallisigineqarput.

Peqqinnissaq pillugu nunarsuaq tamakkerlugu suliniaqatigiiffimmi WHO-meersut Nunatsinniissimapput arlalinnillu kaammattuuteqarsimallutik. Rikke Bruun De Neergaard, Nunatta nakorsaaneqarfiani siunnersorti taama oqaluttuarpoq.

- Ilaatigut oqaatigaat inuiaqatigiinni eqimattat sakialluummik tuberkulosemik tunillaassuussinnaasumik atugaqartut nassaariniarnissaannut pikkorinnerusariaqartugut, taakkulu maannamut iliuuserisartakkatsinnut naleqqiullugu sukumiinerusumik misissuiffigisariaqarigut.

Innuttaasut tuberkulosertut ikiliartorput. 2014-imi 99-iupput, 2015-imi 81-it 2016-imilu maannamut 40-llutik.

Ilanngutassiaq qulaani isiginnaarneqarsinnaavoq.

Aamma atuaruk TB pillugu Tasiilaq misissuiffigiartorneqarpoq