- Aningaasat taama amerlatigisut nerriviup qaavanut iligutsigit taava piffissamut ungasinnerusumut isigaluni aningaasaliineruvoq. Rubinisiorfik upperaarput aammalu ingerlatsiviup iluanaarutaalluarnissaa upperalugu, tamannalu peqataaffigerusupparput, pisortaq Karsten Høy taamani taama oqarpoq.
Piiavimmi Aappaluttumi sulinerup suliffissanik qulakkeerinnissinnaanera taamani neriuutigineqarpoq.
- Aningaasaliivugut agguagarsiassat takkuttalerpata pissarseqataaffigerusukkatsigit. Kalaallit Nunaanni suliniutit amerlanngillat rubinisiorfiup pilersinneqarneratulli suliffissanik taama amerlatigisunik pilersitsereersimasut. Aningaasaliinitta suliffiit taakku qulaakkeerpai siunissamilu suli amerlanerusunik pilersitsinissaq aamma qulakkeerlugu, True North Gems Greenlandimi aammali suleqatini pilersuisuminilu, Karsten Høy taamani taama naggasiivoq.
Aningaasassaaleqisoq
Aningaasassaaleqineq pissutigalugu True North Gems Greenlandip sulisuni arlallit soraarsissimagai KNR-ip ukioq manna juulip qaammataani oqaluttuaraa. Jens B. Frederiksen TNGG-imeersoq taama oqaluttuarpoq.
