Alluitsup Paap eqqaani inuit pingasut annaasiniarnermi annanneqartut
Kujataani politiit nalunaarfigineqarput angallat aappariinnik issimasoqartoq sikorsuarnit nikeriarsinnaajunnaarsimasoq imarlu aalasupilussuummat ikiorneqartariaqarlutik nalunaarsimasut.
Politiit Air Greenlandip qulimiguuanik attartartorput angallallu sumiissusersineqarpoq aappariillu annaanneqarlutik.
Aappariit annaanneqarnerisa nalaani, politiit nalunaarfigineqarput angallat alla aamma ajornartorsiortoq.
Aamma atuaruk ASSIT Canadamiut kilisaataat Nuummut apuutereerpoq
Angallammi tassani issimavoq angut aamma taanna sikorsuarnit nikeriarsinnaasimanngilaq.
Angut taanna aamma nassaarineqarpoq qulimiguulimmillu annaanneqarluni Nanortaliliaanneqarluni.
Angallatit pineqartut marluk qimaannarneqartariaqarsimapput.
Kujataani sikorsuaqarnerani angalaniarnerup uloriarnarsinnaanera politiit innuttaasunut mianersoqqussutigaat.
- Sikorsuaqarnerata nalaani angalaniartut aallartinnatik eqqarsarluarnissaat mianersorluinnaqqissaarnissaannillu kikkut tamaasa kaammattorpagut, Hans Rasmussen kujataata politiviini politiassistent oqarpoq, Hans Rasmussen ujaasinerni annaassiniarnernilu marlunni peqataasimavoq.