Uummannaq Tassaarsuup kingorna Pilersuisoq isertitaqarnerusoq
Aningaasat junimiit oktobarip naanerata tungaanut isertitat siornamut sanilliullugu 6,5 millionit koruuninik amerleriaateqarsimapput.
Uummannami inoqarnerulernera Pilersuisumi sulisunik susassaaleqilersitsinngilaq.
- Malunnarpoq inuttusinera, ulapaarnerulerpugut assullu angummanniarluta, Uummannami Pilersuisumi ningiuugallartoq Mette Zeeb oqarpoq.
Karrat Kangerluanni tassaarsuaq: Maanna susoqarpa?
Junip 17-anni ajunaarnersuaq nunatta oqaluttuarisaanerani annersaavoq.
Tassaarsuarmit eqqugaasut oqaloqatigiartorlugit novembarip qaammataani KNR Uummannamiippoq.
Pisut oqaluttuarinerat KNR-imi maani malinnaavigisinnavat.
Ulapaarnerulernerlumi Uummannami Pilersuisup karsianut malunniuteqarluarpoq.
- Isertitagut juuniminngaanniit oktobarip naaneranut siornamut sanilliullugu 6,5 mio. koruuninik qaffariarsimapput, Mette Zeeb oqarpoq.
Ajunaarnersuup kingorna nunaqarfinniit Uummannamut nutsertut pisatassarsissunniarnerat Qaasuitsup Kommuniata suliaraa. Tamannali aamma imaannaanngilaq.
- Pilersuisup uninngasuutai nioqqutissat, pequtit allallu atortut eqqarsaatigalugit amigarsimapput. Taamaattumillu avataaninngaanniit piniarnissaq pingaaruteqarsimalluni, Qaasuitsup Kommuniani inuussutissarsiornermut pisortaq Hans Peter Lennert oqarpoq.
Pisattat amigaataalersut
Uummannami Pilersuisup pisataarniarfiani pisattat amerlanerpaartaat qimagutitinneqartut pisatassaattut pisiarineqarput. Taamaattumillu pisataarniarfimmut malunniuteqarpoq.
- Soorunami arlaatigut nioqqutissanik, ingammik angerlarsimaffimmi pisatanik amigaateqalerpugut, Mette Zeeb oqarpoq.
Pisattat allallu atortussat Uummannami Pilersuisumi amigaatigineqalermata pisattanik nutaanik tikisitsisariaqalerput.
AAMMA ATUARUK Meeqqat qimagutitinneqartut naleqqussarluarsimalersut
AAMMA ATUARUK Inuussutissarsiornerput uninngavoq
Royal Arctic Linelli assartuiniarnermigut ajornartorsiuteqarnerani eqqugaasorpassuarnut Uummannami Pilersuisoq aamma eqqorneqarpoq.
- Pisattat tikinniarnerat aamma nioqqutissat umiarsuup usisai umiarsuarmut allamut nuunneqariataartaramik.
Uummannami Pilersuisumi ningiuugallartoq Mette Zeeb taama oqarpoq.
Uummannami inuttaasoqarnerulernera pissutigalugu nioqqutissanik uninngasuuteqarnerulernissaq sillimaffigineqartoq Pilersuisoq aamma nalunaarpoq.