Tarnikkut nappaatit pillugit paqumisunneq annikilliartorpoq

Tarnimikkut eqqarsartaatsimikkullu nappaateqartut ulluat Nuummi katersortarfimmi malunnartillugu ualimanna aaqqissuussisoqarmat inunnit amerlasuunit ornigarneqarpoq.

Allattoq Laura Aggernæs, Jaaku Lyberth

apriilip 11-at 2015 17:42

Tarnimikkut nappaateqartut atugaat pillugit saqqummiussisoqarpoq aamma qilaatersortoqarpoq, kiisalu isummaminnik saqqummiusserusuttut oqaaseqarsinnaallutik.

Tarnimikkut eqqarsartaatsimikkullu nappaateqartut qanigisaasa peqatigiiffianni "Sugisaq" mi siulittaasup Esekias Therkilsenip aaqqissuussinermut orniguttut amerlanerat nuannaarutigaa.

- Nuannaarutigisorujussuuarput tarnimikkut nappaateqartut ulluat 2015-imi nalliuttorsiutigineqarneranni inuppassuit takkummata, inuit 200-it 250-illu akornanniittut takkupput , Esekias Therkildsen oqarpoq.

Aamma atuaruk Tarnikkut nappaatillit ulluat

Taamaattumik Esekias Therkildsen isumaqarpoq tarnimikkut eqqarsartaatsimikkullu nappaateqartut ulloqartinneqartarnerata ingerlaannarnissaanut tunngavissaqarluartoq

- Nuannaarutigisorujussuarput tarnimikkut nappaateqartut ulloqartinneqartarneranni, tarnikkut nappaatit pillugit paqumisuttarneq ukiuni kingullerni annikilliartormat, tarnimikkut eqqarsartaatsimikkullu nappaateqartut qanigisaasa peqatigiiffianni Sugisaq-mi siulittaasoq Esekias Therkildsen taama oqarpoq.