Takornariakinnerulernissaq ingerlatsisut aarlerigaat

Naalakkersuisut ilaasunik immikkoortitsimmat Kujataani takornariartitsinerup ineriartornera unissasoq, takornariartitsisinermi kattuffiup, Destination South Greenland, siulittaasua isumaqarpoq.

Ilaasunik kiffartuussinissamik isumaqatigiissutit isornartorsiorneqarsimaqisut naaperiarniarlugit aningaasanut inatsimmi ukiumut 22,2 million koruunit Naalakkersuisut immikkoortipaat.

Tamatumunngalu atatillugu angalaneq kinguaattuussappat taamaatinneqassappalluunniit ilaasut assigiinngitsutigut qulakkerunneqarpoq, Disko Linep Kalaallit Nunaata kujataani, qeqqani Qeqertarsuullu Tunuani kiffartuussinissamut isumaqatigiissutini suliassat januaarip aallaqaataa aallarnerfigalugu sullissilernera atuutilertunik.

Ilaasulli ilaannaat qulakkerunneqarput. Ilaasut nunatsinni najugaqanngitsut assersersuutigalugu Disko Linep kiffartuussilluni angallassiffigisamini kinguaattoortitsineratigut timmisartumut inortuinerminni nutaamik billetsissaqartinneqanngillat.

AAMMA ATUARUK Kiffartuussinissamik isumaqatigiissutit misissuiffigineqarnissaat borgmesterip piumasarigaa

Takornariat nunani allaneersut inuillu Danmarkimi najugaqartut taamaalillutik malunnaatilimmik ajornerusumik inissisimalerput, Takornariartitsisinermi kattuffiup, Destination South Greenland, siulittaasuata Ditte Sorknæsip pakatsissutigisaaanik:

- Ilaasortavut nalorninartorsiorferujussuamiilerput siusinnerusumiillu isertitakinnerulernissamik ilimasulerrlutik, Ditte Sorknæs tusagassiutinut allappoq.

Takornariat ingerlaqqinngitsoortut assersuutigalugu unnuinissaannut takornariartitsisartut aningaasartuteqartalertussaammata, malittarisassat nutaat takornarianut ataatsimoortumik tuniniaaneq nalorninartortaqarnerulertoq .

- Kujataani takornariartitsisartut amerlanersaat mikisumik sulioffiuteqartuupput, takornariartitsinikkut allisaaniarlutik amerlanerusunillu suliffissaqartitsiniarlutik ilungersortut. Ulluinnarni ingerlatsinerminni nalorninartorsorpallarnissaq saperpaat, kiffaartuussinissamullu isumaqatigiissut nutaap nalorninartorsiortippai., Ditte Sorknæs oqarpoq.

Qanoruumit ilanngutassiaq allakkap qulaani takuuk.

AAMMA ATUARUK Suli pitsanngorsagassaqarpoq