Imeq Svalbardimeersoq puiaasamut 520 koruunilerlugu tuniniaraat
Svalbardimilu suliffeqarfiup nittartagartik aqqutigalugu Londonimilu pisiniarfissuarmi Harrodsimi nilammik tuniniaallutik aallartipput, taama NRK-p nittartakkaminni allaaserisaqarput.
Suliffeqarfik taanna Svalbardi-mik ateqartinneqarpoq, pisuullu pisiniarfigisartagaanni tuniniaasarnissaq siunniuteqqallugu. Taamaammallumi puiaasaq ataaseq 0,75 literiusoq 70 euro-t, tassa 520 koruuninik akeqartillugu tuniniaasarlutik.
Suliffeqarfimmik taassuminnga pilersitsisuusoq piginneqataasorlu Jamal Qureship NRK-mut oqaatigisaa naapertorlugu tunisaat suli maannamut annertugisassaanngikkaluartut nunarsuarmi tamani tunisassianik siammarterisartut isumaqatigiissusioriarunikkit Svalbardimiit tunisartakkatik annertusinissaat naatsorsuutiginerarpaa.
Svalbardip iluliamerngit angallat atorlugu imaaniit katersoriarlugit en kubikmeterikkaarlugit aggoriarlugit aatsinneqartarput taamaasillutillu imeq nilammeersoq tunisassiarineqartarluni.
