Politikki Kulturi

Nerisassat peqqinnartut immikkut ittumik suliniuteqarfigineqalerput

2016-ip nerisat pillugit ukiutut suliniarfiusutut innuttaasut peqqissuunissaannut periusissiami Inuuneritta II-p toqqarsimavaa, "Meeqqat nerisallu" qulequtaralugit ukiup ingerlanerani peqqinnartunik nerisaqarnermik immikkut isiginiagaqarluni pingaartumik ilaqutariinnut sammisitanik meeqqanullu toqqaannartumik saamisitanik arlalinnik suliniuteqartoqassalluni.

Allattoq Jonas Fievé

januaarip 20-at 2016 09:31

Nutserisoq Mads Lynge

Naalakkersuisut tusagassiuutinut nalunaarummi taama ilaatigut allaaserisaqarput.

- Nunatta pissarititai atorlugit peqqinnartunik qanoq nerisassiortoqarsinnaaneranik ilitsersuerusuppugut, matumanilu pingaartumik aalisagaq isiginiarusupparput, nunatta pissarititaa pitsaalluinnartoq, Peqqissutsimut Naalakkersuisoq Doris Jakobsen oqarpoq.

Illinnartunillu nerisassiorsinnaanissaq pillugu meeqqanut aamma unammisitsisoqarnissaanut meeqqat qilanaarsinnaapput, nerisassiornissamut ilitsersuummik pitsaanerpaamut tunngasumut unammisitsisoqassalluni.

Iganermut ilitsersuutinik meeqqanut tulluartunik ukioq manna kingusinnerusukkut saqqummersitsisoqarnissaa aamma pilersaarutaavoq, suliniut "Meeqqanut nerisassiornermik atuarfik" aamma aallartinneqassalluni.

Aamma atuaruk Doris Jakobsen peqqissutsip siuarsaavigineqarneranut aningaasaliivoq