Suliffissaaleqisut affaat sulinissamut piareersimanngitsut
Sulisitsisut kattuffia, GE, sulisartullu kattuffiat, SIK, suliffissarsiortut eqqornerusumik nalunaarsorneqartalernissaat anguniarlugu naatsorsueqqissaartarfimmut januaarimi saaffiginnipput.
Suliffissaaleqisummi sulisinnaassuseqartut nalunaarsorneqartunit ikinnerusut, kattuffiit isumaqarput.
Naatsorsueqqissaartarfik tamatuma kingorna kisitsisinik nutaanik saqqummiussivoq.
Sulisinnaassuseqanngitsut sulisinnaassuseqartullu immikkoortinneqarput, suliffissaaleqisutut allatsissimasut ingerlaannaq sulilersinnaasut sulilernissamulluunniit piareersartariallit immikkoortinneqarlutik.
AAMMA ATUARUK Suliffissarsiortut eqqornerusumik nalunaarsorneqartalerlik
Suliffissarsiortutut nalunaarsukkat katillutik 2151-iupput. Taakkunanngali affaat sinnilaaginnarlugit ingerlaannaq sulilersinnaanngitsut, 1.198-illu ingerlaannaq sulilersinnaasutut nalunaarsoqqasut, kisitsisit takutippaat.
Suliffissaaleqisulli sulivissinnaasut qanoq amerlatigineri nalunarpoq, kommunimmi suliffissaaleqisunik nalunaarsuisarnerat siusinnerusukkullu nalunaarsuisarnerat assigiinngitsuusut, Naatsorsueqqissaartarfik allappoq.
AAMMA ATUARUK Sulisitsisut: Suliffissaaleqisut ikinnerulersinneqarsinnaapput