Silap kissatsikkiartornera nannunut aarlerinartoq

USA-mi pinngortitamik avatangiisinullu aqutsisoqarfiup US Fish and Wildlife Servicep nalunaarusiaani ataasinngormat saqqummersinneqartumi tamanna atuarneqarsinnaavoq. Canadami aviisit annersaasa ilaat National Post taama allaaserisaqarpoq.

- Nunarsuup kiatsikkiartornera sukkanerpaamik unikaallatsinneqartariaqarpoq, immap sikuata aakkiartornera unitsinneqarsinnaaniassammat, nannunummi tamanna iluaqutaassaaq, nalunaarusiortut ilaatigut taama allaaserisaqarput.

AAMMA ATUARUK Nannut piaraat Issittumi mingutsitsinermit eqqugaanerpaasartut

CO2-mik aniatitsineq iliuuseqarfigineqanngippat, silalli kiatsikkiartornera unikaallatsiniarlugu allatigut iliuuseqartoqanngippat, nannut Canadap Issittortaani Kalaallit Nunaatali avannarpasissortaani uumaffigisaat annikilliartuinnassapput. Nalunaarusiami tamanna atuarneqarsinnaavoq.

Nannut nunarsuarmi nassaassaasut amerlassusaat ataatsimut isigalugu aalaakkaasorujussuupput, sumiiffiilli ilaanni ikiliartorlutik, peqqissusaallu aamma ajorsiartorluni.

Nannut Issittup imartaata sikuata aakkiartornera ilutigalugu ikiliartornissaat biologit isumaqatigiissutigaat. Aviisi National Post taama allaaserisaqarpoq.

AAMMA ATUARUK Suiaaqatigiit katinnerat, nanoq hiistitortoq illuararlu eqqumiitsoq ukioq manna atuarneqarnerpaapput