Atuarfeqarnermut ataatsimiititaliami siullittaasoq pitsanngoriaateqarnissamik neriorsuivoq
Atuarfeqarnermut immikkoortortaqarfiup amerlanerusunik aningaasaliiffigineqarnissaanut siullittaasoq suliniuteqarpoq.
- Soorunami naammassineqarsimmangimmat uggornarpoq, uanga siuliuttaasuuninni taama pisoqaqqinnginissaa neriorsuutigisinnaavara, Benjamin Kielsen Kommune Kujallermi atuarfeqarnermut ataatsimiititaliami siulittaasoq taama oqarpoq, kommunemi meeqqat atuarfiini pitsaassutsimik nalunaarusiortoqarsimannginnera pillugu KNR-imit oqaluunneqarnermi kingorna.
Aamma atuaruk Sulisunik amigateqarneq pissutigalugu nalunaarusiat suliarineqanngillat
Atuarfiit pitsaassutsimik nalunaarusiaat ukiup atuarfiusup ukiuani kingullermi alloriarnermit misilitsinnernit angusat, atuartitsissutigineqartut sivisussusiat , atuartut soraarummeertussat ilinniarnissaminnnut toqqaaniarneranni siunnersuinerup qanoq sivisutigisimanera aamma nalunaarusiami ilanngunneqartarput.
Atuarfeqarnermi sulisut atugaasa pitsaanerulernissaat anguniarlugu atuarfeqarnermut ataatsimiititaliaq maanna suliniuteqarpoq, sulisunillu nutaanik atornititsinissaq suliniutigineqarluni.
- Maannakkorpiaq ilinniarluarsimasumik sulisussarsiorpugut qinnuteqarfissarlu maannakkorpia ingerlavoq,
Kommune Kujallermi atuarfeqarnermut ataatsimiititaliami siulittaasoq Benjamin Kielsen taama oqarpoq.
Aamma atuaruk kommune-kujallermi-meeqqat-atuarfiisa-inatsit-unioqqutippaat
Atuarfeqarnermut ataatsimiititaliaq januarip aallaqqaataani 2016 pilersinneqarpoq, kommune kujallermi meeqqat atuarfiini pissutsit pitsaanerulernissaannik kommunalbestyrelsip kissaateqarneranut atatillugu.