Politiit: Skagenimi toqutsineq sumiuussutsimut tunngassuteqanngilaq

Angutip toqutaasup anaanaa kalaalliuvoq ataataalu danskiulluni, inuuninilu tamaat Danmarkimi najugaqarpoq. Angut pineqartoq ikiligaarujussuarsimasoq Skagenimi inissiaani nassaarineqarpoq, ikiligaasimaninilu  pinganngormat unnukkut toqqutigaa.

Angutit pingasuugallartut toqutsisimasutut pasineqarlutik sapaatit-akunnerini sisamani politiinit tigummigallarneqarput.

AAMMA ATUARUK Mand dræbt i Skagen

Toqutsisimasutut pasineqartut pingasuusut eqqartuussivimmut sassartinneqarnerat matoqqasumik ingerlanneqarpoq, politiillu paasiniaanertik pissutigalugu toqutsinermut suna pissutaasimanersoq maannakkorpiaq oqaaseqarfigerusunngilaat. Jyllandip avannaani politiit taama ilisimatitsipput.

Inuit attaveqaqatigiittarfiini arlalinni tusatsiakkat malillugu toqutsineq hate crimetut taaneqarpoq - tassalu kalaallinit kingoqqisuunini pissutigalugu toqutaasimasoq. Taamaattoqanngilluinnartorli politiit erseqqissaatigaat.