Angut Skagenimi toqutaasoq

Angummik 20-inik ukiulimmik naalliutsitserujussuarneq angutip najugaani Skagenimiittumi ataasinngormat unnukkut pivoq, ikilerneqangaarninilu toqqutigaa.

Angut ikilertersimaqisoq Skagavejimi Skagenimiittumi angutip najugaani nassaarineqarpoq. Pinerluttuliorfigineqartoq aanaartorujussuusimavoq. Pasilliutillu naapertorlugit angutip niaquata saarnga pingasunik aqqunarneqarsimavoq, kiinaatalu saangini nallortoqarsimalluni.

Angut nakuuserfigineqarnermi saniatigut savimmik qiuutinillu qitimigut kapineqarsimavoq.
Politiit angutit arfinillit suliamut tunngatillugu ataasinngormat marlunngormallu tigusaraat.

Angutinit tigummigallarneqartunit pingasut sapaatini akunnerni sisamani inuartutut pasillugit tigummigallarneqartut, Jyllandip avannaata Politiivisa misissueqqissaartartuisa pisortaata, Frank Olsenip oqaatigigaa, Ritzau allappoq.

Angutit pingasut tamarmik Skagenimeersuupput.

Angutit qanoq pasineqarnersut politiit paasissutissiissutigerusunngilaat. Sunalu peqqutigalugu taamaaliortoqarsimanersoq suli erseqqinngitsoq, politiit paasissutissiipput.

Angut 20-inik ukiulik Nunatsinni najugaqanngisaannarsimavoq, arnaali kalaaliuvoq angutaalu danskiulluni.