Siumup Atassutillu Kielsen akerlilerpaat
- Siorarsiorfimmut pilersaarut qineqqusaarutitut atornagu. Pilersaarut kommunalbestyrelse-mi tamarmiulluta taperserparput.
Kommuneqarfik Sermersuumi Atassutip immikkoortortaqarfia peqatigalugu nalunaaruteqarnermi Siumup Kommuneqarfik Sermersuumi gruppianni siulittassoq, Ane Egede Mathæussen taama erseqissaavoq.
Naalakkersuisut siulittaasuata Kim Kielsenip Siorarsiorfimmut pilersaarutip isumaannakkut pilersaarutaannaanerlugu oqarnera taamaalillutik illua tungiliisunut amerliartortunut ilannguppoq.
AAMMA ATUARUK Kielsenip isornartorsiuinera Siumup politikkerinngilaa
Assersuutigalugu Inatsisartunut ilaasortaq, Martha Lund Olsen aamma Siumumut ilaasortaqataa, kommunalbestyrelsimut ilaasortaq, Per Berthelsen partiimik siulittaasuata oqaasiinut akerlileereerput, taavalu Kommuneqarfik Sermersuummi IA-meersut kommunalbestyrelsimut ilaasortaq, Malene Lynge aamma borgmesteri Asii Chemnitz Narup akissuteqareerlutik.
AAMMA ATUARUK Asii skyder tilbage mod Kielsen
Ane Egede Mathæussen isumaqarpoq, inissaaleqineq millisassagaanni iliuuseqarnissaq pisariaqartoq.
- Isumaqarluinnarpugut pilersaarusiornikkut nunatsinni sunut tamanut malinnaasariaqartugut. Inissaaleqisut amerliartuinnassanngippata inissaannik sanaartorneq malinnaasariaqarpoq, Kommuneqarfik Sermersuumi Siumup Atassutillu gruppii ataatsimut allapput.
