Sisimiuni Brugseneeqqamut ujajaasimasutut pasineqartoq tigusarineqartoq
Sisimiuni Brugseneeqqami Kussangasumi marsip ulluisa 26-anni ujajaasoq 32-nik ukiulik, politiinit tallimanngormat tigusarineqarsimasoq Qeqqani politiit nalunaarput.
Tyv1
Allattoq Mads Lynge
apriilip 14-at 2015 06:09
Tillinniarnermi assilisat tamanut saqqummiunneqarmatali innuttaasut arlallit politiinut saaffiginnissimapput.
AAMMA ATUARUK Sisimiuni ujajaasup assingi politiit saqqummiuppaat
Pasineqartorlu angut 32-nik ukiulik Qeqqata eqqartuussiviani inatsit tunngaviusoq aallaavigalugu tallimanngormat killisiorneqareerami ullut 27-t tigummigallagassanngortinneqarpoq.
Pasineqartoq pinngitsuunerarpoq, tigummigallagassanngortinneqarninilu akueralugu.
AAMMA ATUARUK Politiit Brugsenimut tillinniartoq saqqummiunniarlugu siorasaarisut
Ujajaanermi angut ilisarnarunnaarsarsimasoq isertarfikkut tunorlikkut iserpoq sulisullu qunusaarlugit aningaasanut toqqorsivik ammartippaa 17.000 koruunillu missaat tigoriarlugit qimaalluni.
