Sermersuup illoqarfiinit nunaqarfiiniillu eqqagassat assartorneqartartut
Tamannalu iluaqutertaqarlunilu ajoquteqarpoq. Arlaatigullu iliuuseqartoqartariaqartoq, Kommuneqarfik Sermersuumi ingerlatsinermut pisortaq, Frank Rasmussen oqarpoq.
- Ikuallaaviit siornatigut suliarineqarnikut mikivallaarujussuarput, eqqagassallu uninngatiinnarnerinit peqqinnarnerunatik, Frank Rasmussen oqarpoq.
Paamiuni Tasiilamilu eqqagassat Nuummukaanneqartartut
Paamiuniit eqqagassat 15 tonsimik oqimaassuseqartut umiarsuarmik sapaatip akunnera allortarlugu Nuuliaanneqartarput. Tasiilamiit eqqagassarpassuit aamma illoqarfiit pingaarnersaannukaanneqartarput, ukioq kingulleq eqqagassat 300 tonsit assartorneqarput.
Tunumili illoqarfinniit illoqarfiit ukiukkut tikinneqarsinnaaneq ajormata eqqagassaasiveqaannassaaq.
AAMMA ATUARUK Suliffeqarfiit sulisutik saliitinniaraat
Ikuallaaviit maqaasineqartut
Kommunip Kapisilinni ikuallaavik matuniarlugu eqqagassallu Nuummut assartortalernissaat ukiuni marlungajanni sulissutigaa.
Taamali nutaamik aaqqiissuteqarneq tamanit nuannaarutigineqanngila, Otto Larsenip Kapisilinni niuertup nunaqarfiup ikuallaavitoqaa maqaasivaa.
- Maanga anorlileraangat (eqqagassat, aaqq.) teqqalasarput. Sumilu tamaani takussaasarlutik igitassat.
