Assi: KNR

Semifinaalit pissanganarluinnartut

Angutit isikkammik arsaallutik pissartanngorniuunneranni kikkut guultinnanniuutissanersut aqagu sisamanngornermi paasinarsiaassaq. Semifinaalimi siullermi G-44 aamma B-67 unammissapput, aappaanilu N-48 IT-79-ilu unammissallutik.

Semifinaalimut anngunniuunnerit marlunngornermi naammassipput. Pulje 1-imi B-67 Nuummeersoq unamminerni pingasuni ajugaaginnavilluni ingerlaqqippoq, taamatullu IT-79 aamma Nuummeersoq ingerlaqqilluni. 

 

Pulje 2-mi Iluliarmiut N-48, ukioq kingulleq sølvinnattut G-44 semifinaalimut ingerlaqqipput. 

N-48 unamminerni pingasuni 25-inik isertitsinikuupput arfineq malunnillu isertitsiffigitinnikuullutik. Taakku ajugaasussatut ilimanaateqarlutik IT-79 semifinaalimi unammissavaat. IT-79 aqqanileraarnikuupput tallimariarlu isertitsiffigineqarnikuullutik. 

B-67 puljamini ajugaaginnavikkaluarluni pisarnermisut nukittutigerpasinngilaq. Saassusisarnerminni iluatsippallaarneq ajorput. Pingasoriaq unamminerminni qulingiuaraarput, taakkunani arfinillit unamminermi kingullermi isertillugit. Taamaakkaluartoq kinguarsimasuginnerpaagallarput tassami ataasiaannaq isertitsiffigineqarnikuugamik. 

Semifinaalertussat
G44 - B67 Sisamanngorneq nal. 17.00
N48 - IT79 Sisamanngorneq nal. 19.00

John L. Broberg, ukioq manna meeraallunili klubbimini G-44-mi arsaqataaniarluni aalajangersimasoq, arsaaffiup qeqqani unammisartoq B-67-ip amigaatigerpasippaa. 

John L. Broberg pissartanngorniuunnermi matumani arsarluaqaaq. TAanna N-48-mut unamminermi pingasoraarpoq ataasiarlu målertitsilluni. Qularnanngitsumik G-44 sinnerlugu B-67-imut unammileruni pingaaruteqarluinnartutut inissisimassaaq. 

Semifinaalernerit sisamanngornermi KNR-TV-kkut toqqaannartumik malinnaafigineqarsinnaassapput. 

 

AAMMA ATUARUK Qeqertarsuarmiut ajugaasut

 

AAMMA ATUARUK B-67 nunatsinni isikkamik arsaannermi pissartanngorpoq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!