Isikkamik arsaallutik GM-ertut Qeqertarsuarmiut ajugaasut

Isikkamik arsaalluni nunatsinni pissartanngorniunneq Qeqertarsuarmi ullumi aallartippoq.
Assi © : KNR
Allattoq Karsten Sommer
aggustip 05-at 2017 18:39
Nutserisoq Ivik Kristiansen

Qeqertarsuarmeersorlu G-44 aallartilluarpoq, Upernavik Kujallermeersumummi T-58-mut unammigami 5-0-imik ajugaavoq.

Maniitsumeersoq Kagssagssuk Ilulissaneersorlu N-48 maannakkut unammipput.

70 minutsinilu unammereerlutik N-48 8-2-mik siuarsimavoq.

Pissartanngorniunnermi unamminerit KNR-TV-kkut isiginnaarsinnaavatit.

Aamma danskit isikkamik arsaallutik nunanut allanut unammisartut arnartaasa EM-imi Hollandimut sapaammi ajugaanniutivinnerat KNR-2-kkut sapaammi aggustip ulluisa arfernganni nalunaaqutaq 13:00 toqqaannartumik isiginnaarneqarsinnaassapput.