VIDEO Savalimmiormiu politikeri Folketingimi sakkortuumik oqaluttoq

Tórbjørn Jacobsenip danskit naalakkersuisui nunanut atlantikup avannaaniittunut pissusaat pillugu naveerpai. Taannami isumaqarpoq maanna siornatigullu danskit naalakkersuisui Savalimmiut soqutiginngivissoraat.

Taamaakkaluartoq Danmarkip nuna atlantikup avannaaniittoq nunat tamalaat akornanni politikkikkut oqaaseqarsinnaatitaanissaminut tunngatillugu atorluartarpaa.

- Oqaatsit atorneqartut (naalakkersuisut toqqammavissaanni, aaqq.) paatsoorneqarsinnaanngillat. Nunani tamalaani politikkikkut ingerlatsinermi atlantikup avannaani pigisat nunat pissaanillit siuttuisa kirsebæritoqatiginissaannut atorluarniarneqarput.

Tórbjørn Jacobsen Savalimmiut namminiilivinnissaanik anguniagaqartuuvoq. Savalimmiuni qinersisartunik qanittukkut isumasiuisoqarmat innuttaasut amerlanerussuteqalaartut naalagaaffeqatigiinniiginnarnissamik kissaateqartut paasinarsivoq.

Savalimmiormiup oqalugiaataa Dansk Folkepartiimeersup Søren Espersenip "kanngunartutut" taavaa isumasiuinerlu innersuussutigalugu.

-  Immaqa pitsaanerussagaluarpoq hr. Tórbjørn Jacobsenip Folketingimi naveersaarinata nukini Savalimmiuni atorunigit namminiilivinnissallu isumassarsiatsialaanera Savalimmiuni innuttaasunut paasitinniarsaralugu, Søren Espersen taama oqarpoq.

Politikerit oqalugiartut ataani isiginnaarneqarsinnaapput. Siullermik Tórbjørn Jacobsen, tulliulluni Søren Espersen. Danskisut oqalupput.