Saudi-Arabiamiut eqqaaniaaqataarusunngitsut
Londonimi peqqarniisaarniartoqarnerani eqqugaasut eqqaaniarlugit minutsimi ataatsimi nipaallisimaaqatigiinnissaq højttalerikkut nalunaarutigineqarmat Australiamiut arsaattartui, sungiusaasut isiginnaariallu nikorfeqatigiipput eqisimaarlutillu.
Saudi-Arabiamiulli arsaattartui eqqugaasunik eqqaaniaaneq peqataaffigiumanagu arsaaffimmi angalaaginnarput.
Taamatullu pissusilersortoqarnera isiginnaarianit avaallanneqarpoq.
Unammineq naammassimmat Australiami arsaattartut kattuffianit oqaatigineqarpoq Saudi-Arabiamiut nipaallisimaaqatigiinnermut peqataaqquneqarsimasut.
Tamannalu akuerineqarpoq kingornali allanngortinneqarluni. Saudi-Arabiamiut Australiamiut eqqaaniaanerat ataqqillugu oqaatigaat, namminnerli taamaaliornissaq ileqqorinnginnamikku peqataaffigiumanagu. TV2.dk taama allaaserisaqarpoq.
Arsaattartut isiginnaarianit avaallanneqareermata VM-imut anngunniuulluni unammineq aallartippoq, Australialu unamminermi 3-2-mik ajugaavoq.
