Sakkutuut Farcimeersut toqutaapput
Pikitsitsisut uninngaarfiat manerassuup sineriaani Caucamiittoq sakkutuut timmisartortartut sisamanngormat saassuppaat.
Pikitsitsisut Farcikkut sisamanngormat akersuunnermi naalakkersuisut sakkutuuinik aqqanilinnik toqutsinerannut saassussineq akiniutaavoq. Eqqisseqatigiinnissaq siunertaralugu isumaqatigiinniartoqaannassanersoq taama pisoqarnerata nalorninarsisippaa. Isumaqatigiinniarnerit ulluni tulliuttuni Havanami ingerlateqqinneqartussaapput, aaqqiagiinnginnermi eqqugaasut taarsiiffigineqarnissaat isumaqatigiinniutigineqassalluni.
Farc sakkulersorunnaarniarluni decembarimili nalunaaruteqarpoq, oqaatigineqarlunilu sakkutuunit qanittukkut saassutsikkamik imminnut illersorniarlutik akisariaqarsimallutik.
Præsidenti piumasaqaateqarpoq
Eqqisseqatigiinnissamik isumaqatigiissuteqartoqanngippat, præsident Santos illugiilluni sakkulersorunnaarnissamut isumaqatigiissuteqarusunngilaq.
Farc aamma Colombiami oqartussat 2012-imi eqqisseqatigiinnissaq anguniarlugu isumaqatigiinniarlutik aallartipput, Norge aamma Cuba isumaqatigiinniartoralugit. Isumaqatigiinniarnerit aallartimmatali sisamanngormat akiuunnerit aammik kuisiffiunerpaapput.
Colombiami innuttaasut imminnut ukiuni 50-ini sorsuunneranni maannamut inuit 220.000-it toqutaareerput, millionilikkaallu qimaatinneqarlutik.
