VIDEO Saarullittassiissutit uummassusilerisunit annilaaganartoqartinneqarput
Uumassusilerituut saarullinnik 12.379 tonsinik pisassiisoqassasoq innersuussutigigaluaraat Naalakkersuisut 25.000 tonsinik pisassiipput. Tamanna aalisartunit tusarluarneqarpoq.
- Tusakkagut naapertorlugit sineriak saarullippassuaqarpoq. Uanga Sisimiuninngaaneerama taajanna saarullippassuaqarpoq. Upernaarli nipisanniarnerup aallartinnginnerani tamanna malugivarput, Akisooq Olsen KNR-imut oqarpoq.
Annilaagassutigineqarpoq
Uumassusilerituut innersuussutaasa marloriaataanik Naalakkersuisut saarullittassiinerat pinngortitaleriffimmit annilaanganartoqartinneqarpoq.
- Pisassat marloriiaammik qaffanneqarnerat imatut kinguneqarsinnaassaaq, sakkortunerusumik aalisarneqalersussaagamik. Taava qanoq kinguneri taakkununnga peqassutsimut malinnaaviginissaat ajornakusoortorujussuussooq tassanngaanaq qaffaaneq sakkortunermik, Pinngortitaleriffimmi attaveqaqatigiinnermi pisortaq Emma Kristensen oqarpoq.
Aamma atuaruk VIDEO KNAPK tunisinermi akit pillugit piumasaqaateqarnissaminut atatillugu misissuisitsisoq
Aalisartulli aalisagaqarluarneraagaluartut pisassiissutinik qaffaarujussuartarneq kingunerlussinnaavoq.
- Qaffaaneq taama qaffasitsigimmat, taavalu taamaaqattaaginnassagutta taava kinguneqarsinnaavoq immaqa peqassutsip tassanngaannarujussuaq appariarujussuarnera. Soorlu saattuarniarnermi taamaattoqarnera takunikuuarput.