Tusagassiuut: Russit aalisariutaataat Savalimmiuniitillutik kilitsissiat atortuinik nassaarfigineqartut
Nunat avannarliit ilaanni tv-eqarfiit soorlu SVT, NRK aamma Yle suleqatigalugit Skyggekrigen"-inik taallugu piviusulersaarusiortuusoq, DR, taama allapoq.
Tassa Norgemi politiit russit aaliusariutaataat marluk, Lira aamma Ester, Savalimmiuniit Norgep avannarpasissuani umiarsualivimmut Kirkenesimut siorna tikimmata ileqquusumik misissormatigit sakkutuut atortuinik nassaarfigaat.
Nassaatik assilisimagitsik taakkualu russit sakkutuuisa atortorigaat, Norgep avannarpasissuani Finnmarkimi politiit isumannaallisaasuisuisa ittuat Johan Roaldsnes oqarpoq.
- Radiommi taakku sakkutooqarfimmut sakkutooqarfimmiillu nalunaaruteqarnermut paasissutissiinermullu attaveqaataapput, taanna DR-imut oqarpoq.
Norgemi politiit russit aalisariutaat, Lira, aappassaanik misissoramikku inuk russillu sakkutuuisa radioat inimi parnaaqqasumi siumorsimavaat. Russillu aalisariutaataata aappaani, Estermi, aamma taamatorluinnaq siumugaqarsimapput.
Aalisariutit marluk taakkua Savalimmiunut 2015-imili ikinnerpaamik 200-riarlutik talissimasut, MarineTrafficip nittartagaani erserpoq.
Savalimmiut nunatsinnituulli Ruslandimut mattussinikuuvoq. Inuussutissanilli niueqatigiinneq mattunneqarnikuunngimmat, russit aalisariutaataat Savalimmiunut talittarfianiissinnaatitaapput.
